Ош — Сары-Таш — Эркештам унаа жолу убактылуу жабылды. Бул тууралуу ӨКМнин басма сөз кызматы билдирди.
Маалыматка ылайык, Ош облусунун Алай районундагы Ош-Сары-Таш-Эркештам унаа жолунун 180-256-чакырымына чейин аба-ырайынын туруксуз болгондугунун себебинен жана кырсыктарды алдын алуу максатында бүгүн саат 15:00дөн тартып 2021-жылдын 26-февраль саат 10:00гө чейин, абал турукташкыча убактылуу эки тараптуу жабылган.
«КР ИИМнин кызматкерлери тарабынан посттор уюштурулду, кошумча маалымат берилет», — деп жазылат маалыматта.
