Ош шаарындагы Касымбеков көчөсүндө жайгашкан жеке менчик цехтен өрт чыккандыгы тууралуу маалымат түшкөн. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, өрттү өчүрүүгө Ош шаардык №13 ӨКБдан 1 бөлүм тартылган, саат 09:38ге карата өрт чектөөгө алынып, 10:02де толук өчүрүлгөн. Натыйжада 16 чарчы метр кара смола күйгөн.
Өрттүн кесепетинен 3 эркек киши денелеринен күйүк алып, облустук ооруканага тез жардам кызматы аркылуу жеткирилди, абалдары канааттандырарлык
Учурда өрттүн себеби такталууда.
