Кечээ күнү, 7-июль күнү түнкү саат 22.00 чамасында «шайлоочулардын добуштарын сатып алууга» шектүү катары дагы бир жаран кармалды. Бул тууралуу Ош ШИИБинин маалымат кызматы кабарлайт.
«Ош шаардык Кеӊешине шайлоого аттанган партиялардын биринин атынан депутаттыкка талапкер добуш сатып алууга шектелип кармалды.
Бул талапкер тарабынан шайлоочуларга берилген акча каражаттары алынып, тиешелүү көрсөтмөлөр толптолууда, күбөлөр суралууда. Тергөө иштеринин жүрүшү тууралуу дагы кошумча маалымат беребиз«-деп жазылат маалыматта.
Эске салсак, кечээ күндүзгү саат 11.00 чамасында дагы бир талапкер «шайлоочулардын добушун сатып алуу» фактысы боюнча кармалып, 48 саатка убактылуу кармоочу жайга киргизилген.
