Ош шаарында аялына зомбулук көрсөтүүгө шектелген жаран 2 айга камакка алынды. Бул тууралуу 7-каналга Ош облустук сотунан билдиришти.
Маалыматка караганда, шектүүнүн бөгөт чарасы 10-мартта каралган. Ал 10-майга чейин камакта болот.
Буга чейин, Ош ОИИБ маалымат таратып, 22-февраль күнү Ош шаарынын 35 жаштагы тургуну милицияга арыз менен кайрылып, аны 21-февраль күнү мас абалындагы күйөөсү сөгүп, уруп, жараат келтиргендигин көрсөтүп, ага карата мыйзам чегинде чара көрүп берүүнү суранган. Арыздануучуга дайындалган соттук-медициналык экспертиза анын 4 кабыргасы жабык сынгандыгы, сол колунун манжасы сынгандыгы тууралуу корутунду чыгарып берген.
