Ошто өспүрүмдү сүзүп, окуя болгон жерден качып кеткен айдоочу кармалганын облустук жол кыймылынын коопсуздугун камсыздоо бөлүмүнөн билдиришти.
Маалыматка ылайык, 5-март күнү Ош облусунун Кара-Суу районунун Сарай айыл аймагында 12 жаштагы бала жолдун четинде велосипед тээп бара жаткан учурда белгисиз айдоочу унаасы менен сүзүп, из жашырып кеткен.
Кырсыктын кесепетинен өспүрүм денесинен жаракат алып, ооруканага жеткирилген.
Ыкчам иш-аракеттердин натыйжасында 6-март күнү Кара-Суу районунун 1989-жылы туулган «Hyundai Porter» унаасынын айдоочусу З.Ш. аттуу жаран кармалган.
Учурда айдоочуга тийиштүү экспертизалар дайындалып, тергөө иштери жүргүзүлүүдө.
