Ошто унаа жолго таш түштү. Бул тууралуу ӨКМден билдиришти.
Маалыматка караганда, окуя кечээ, 21-март күнү Ош облусунун Кара-Суу районунда караштуу Жаңы-Арык – Кызыл-Суу унаа жолунун 27-чакырымында болгоен. Кара-Таш тилкесинде болжол менен 1800 метр куб таш кулап, жол каттамы жабылган. Бактыга жараша таш кулоодон жабыркагандар болгон эмес. Ушул эле күнү саат 20:40та унаа жол бир тараптуу ачылган.
«Жолду тазалоо үчүн Кара-Суу районуна тиешелүү №45 жол тейлөө ишканасынан тартылган 1 жүктөгүчтүн жардамы менен тартылып, жолду кеңейтүү иш-чаралары жүргүзүлдү. Жыйынтыгында 1500 метр таш тазаланган. Жолду кеңейтүү жана тазалоо бүгүн да уланууда»,- деп айтылат маалыматта.
