Ошто 5 окуучуга өлкө башчынын белеги тапшырылды. Бул тууралуу Ош шаардык мэриясынын басма сөз кызматы билдирет.
Маалыматка ылайык, Ош шаарындагы мектептерде билим алган 5 окуучу президент Садыр Жапаровдун атына жаңы жылдык белек сурап кат жазган. Алардын үчөө смартфон алууну кааласа, эки окуучу энциклопедия берүүсүн сураган.
Президент алардын каалоосун орундатып, белегин жөнөттү.
Белгилей кетсек, 27-декабрда Ош шаарынын мэри Алмаз Мамбетов окуучулар менен жолугуп, президенттин белегин тапшырып, белектер менен бирге таттуулар да берилген.
