Бүгүн, 27-февралда Ош шаарынын мэри Бакытбек Жетигенов грек-рим күрөшү боюнча Азия жана дүйнө чемпиону Акжол Махмудов жана анын машыктыруучусу Мейрамбек Ахметов менен жолугушту. Бул тууралуу Ош мэриясынан билдиришти.
Калаа башчы балбандын жана машыктыруучусунун өлкөнүн, анын ичинде Ош шаарынын спортун өнүктүрүүгө кошкон салымын белгиледи.
Грек-рим күрөшү боюнча дүйнөлүк рейтингде 77 килограммга чейинки салмакта 1-орунду ээлегени үчүн Акжол Махмудовго 250 миң сом жана машыктыруучусуна 50 000 сом тапшырды.
