Абдилашим аттуу айдоочу бешке окуган окуучуларды автобус менен мектепке акысыз жеткирип келет.
«Атын Абдилашим деп тааныштырган айдоочу аганын автобусуна түшөөрүм менен, ичиндеги жаңы жылдык жасалгалары дароо көзгө жылуу көрүнүп, жакшы сезимдерди тартуулады. Анан эле окуучулар күндөлүгүн көрсөтүп, автобустун төрүнө өтүп жатышты. Көрсө ар күн сайын (эки же үч сабактан болсо да) беш деген баа алган окуучуларды акысыз алып кетет экен. Айдоочу бул аракетим балдардын кызыгуусун арттырып, мен автобус айдаган кварталдагы балдар арасында беш алууга умтулган, атаандашып жакшы окуган балдар көбөйүп жатат дейт. Коомго пайда келтирүүнүн жолун тапкан айдоочуга ыраазы болдум»,— деп соц.тармактын колдонуучусу жазып, сүрөттөр менен бөлүшкөн.
