Пара талап кылууга шектелип кармалган Камчыбек Ташиевдин өкүл баласы 2 айга камакка алынды. Бул тууралуу 7-каналга Жалал-Абад облустук сотунан билдиришти.
Маалыматка караганда, анан бөгөт чарасы Жалал-Абад шаардык сотунда 13-мартта каралган. Сот УКМКнын ага лейтенантынын өтүнмөсүн канааттандырган. Ал 11-майга чейин камакта болот.
12-мартта УКМК тарабынан пара талап кылууга шектелип, эки жаран кармалган. Бирөөсү УКМКнын төрагасы Камчыбек Ташиевдин өкүл баласы болгон. Ал үй-бүлөлүк мамиленин артына жашынып, сүйлөшүү жолуу аркылуу жеке ишкерден коркутуу жолу менен 120 миң сом өлчөмүндө акча каражатын талап кылганы аныкталган.
