Жогорку Кеңештин депутаты Нурлан Шакиев Орусиянын «Биринчи канал» жана РТР телеканалдарына Кыргызстандын бюджетинен акча төлөөнү токтотууга чакырды.
Бүгүнкү парламент жыйында, «Орусиянын эки телекомпаниясын өчүрүш керек. Аны токтотуп, жергиликтүү телеканалдарды өнүктүрүүгө шарт түзүү керек», — деп билдирген ал.
Ошондой эле, Шакиев балдар көрүп жаткан мультфильмдердин баары орусча экенин белгилеп, тасмаларды кыргызчалоону кошумчалады.
2020-жылдагы маалыматка ылайык, Орусиянын эки каналын Кыргызстанда көрсөтүш үчүн бюджеттен жылына 50 миллион сом төлөнөт.
