Өлкө президентинин өзүнчө кеңсесинин курулушу быйыл бүткөрүлөрүн Министрлер кабинетинин төрагасы Акылбек Жапаров билдирди.
Ал Чүйдө лифт чыгаруучу алгачкы кыргызстандык ишкананын ачылышында сүйлөп жатып буларга токтолду.
«Биз азыр курулушун баштап, бир жыл ичинде бүткөрөбүз деп үмүт кылып жаткан президенттин кеңсеси да, шаардын өйдө жагына көчүп жаткан өкмөттүк комплекс да өзүбүздө жасалган лифттер менен жабдылышы керек деп сунуш кылып жатабыз».
Кыргызстанда президенттин өзүнчө кеңсеси жок. Азыр президенттик аппарат өкмөт менен чогуу бир имаратта иштөөдө. Буга чейин ал Жогорку Кеңештин имаратында жайгашчу.
