Путин кичи модулдук реактор технологиясы менен Кыргызстанда эң биринчи АЭСти куруу изилденип жатканын билдирди
Ал Жапаров менен жолугушуудан кийин ЖМКлар үчүн жасаган билдирүүсүндө Кыргызстан менен Россия энергетикалык тармакта да үзүрлүү кызматташып жатканын айтты.
“Ысык-Көлгө күн электр станциясын бирге куруу пландалууда. Кыргызстандын түндүгүндө заманбап ТЭЦ куруу мерчемделип жатат. «Росатом» уран казылган жерлерди рекультивациялоо программасын ишке ашырууда. Россиянын технологиясы менен алгачкы АЭСти куруу каралып жатат. Модулдук реактор технологиясы коопсуздук жана экологиялык багытта бардык катаал талаптарга жооп берерин эске сала кетем”, — деди Путин.
