Бишкек-Ош унаа жолунда катталган жол кырсыктын кесепетинен 7 адам каза болду. Бул тууралуу 7-каналга Жалал-Абад облустук жол кыймылын көзөмөлдөө башкармалыгынан билдиришти.
Маалыматка караганда, окуя 13-октябрда саат 17:00 чамасында болгон. Аталган жолдун 210-чакырымында «Mercedes-Benz» менен «Honda Stream» сүзүшкөн. «Mercedes-Benz» унаасынын ичиндеги 3 жүргүнчү, «Honda Stream» унаасындагы 4 жүргүнчү көз жумган.
Аталган факты, Токтогул РИИБдин маалыматтык электрондук журналына катталып, окуя болгон жерге кароо жүргүзүлүп, тийиштүү экспертизалар дайындалды.
Учурда тергөө иштери жүргүзүлүүдө.
