УКМКнын төрагасы Камчыбек Ташиев Райым Матраимов 1-2 кун мурун үй камагына чыкканын, ага карата Кылмыш-жаза кодексинин 3 беренеси боюнча кылмыш иши козголгонун белгиледи.
“Матраимов кармалганда 3 кылмыш ишин козгогонбуз: чек араны мыйзамсыз кесип өтүү, бейбаштык, кылмыштуу кирешелерди адалдаштыруу. 8 ай тергедик, 2 күн мурун чыгардык. Райым Матраимов Кыргызстандын бюджетине 200 млн доллар (17 млрд сом) төлөп, анын чыкты. Буга чейин 2,5 млрд сом төлөгөн. Жалпысынан Матримов бюджетке 19,5 млрд сом төлөдү. Анын баарын накталай төлөгөн жок, мүлкү менен да төлөдү. Мүлкүнүн баарын экспертизадан өткөрүп, баалап, арзан баада кылып алдык”, — деди УКМК төрагасы.
