Бүгүн, 3-мартта Жогорку Кеңештин депутаттары «Кыргыз Республикасынын Конституциясы жөнүндө» Кыргыз Республикасынын Мыйзамынын долбоору боюнча референдумду (жалпы элдик добуш берүүнү) дайындоо жөнүндө «мыйзам долбооруна добуш беришти.
Добуш берүү алдында Рада Туманбаева парламент 11-апрелге референдум өткөрүү жөнүндө мыйзамды гана кабыл алып, сунушталып жаткан Негизги Мыйзамдын мазмунун талашпашы керектигин белгиледи.
«Жаңы Конституция кабыл алынабы же жокпу, эл өзү чечет», — деди Туманбаева.
Талкуунун жыйынтыгында 87 депутат долбоорду биринчи окууда кабыл алууга макул, тогузу каршы болду.
Жалпы 96 депутат каттоодон өткөн.
