Монголиядагы грек-рим күрөшү боюнча Азия чемпионатында Кыргызстандык балбан Тынар Шаршенбеков алтын медаль жеңди. Бул тууралуу Бириккен күрөш дүйнөсүнүн сайтында жарыяланды.
Шаршенбеков өзүнүн 63 кг салмагында мелдештин чейрек финалынан баштап катышып, алгач индиялык балбан Ниражды 10:4 эсебинде утуп алган.
Жарым финалда өзбекстандык Исломжон Бахрамов менен килем үстүнө чыгып, Бахрамовдун далын жерге басуу аракети менен 13:7 эсеби менен жеңишке жеткен.
Ал эми финалда казакстандык Мейрамбек Айнагуловго каршы килем үстүнө чыгып, Шаршенбеков атаандашынын далысын жерге басып, алтын байгени багындырды.
Посмотреть эту публикацию в Instagram
