Бүгүн, 22-сентябрда саат 08:30га карата кыргыз-тажик чек арасындагы кырдаал салыштырмалуу туруктуу. Бул тууралуу УКМКнын Чек ара кызматы билдирди.
Маалыматка ылайык, түн тынч өтүп, эч кандай окуя катталган жок.
Белгилей кетсек, Чек арага жакын аймактардагы жарылбай калган заттарды зыянсыздандыруу иштери жүрүп жатат. Тараптардын жумушчу комиссиялары кырдаалды басаңдатуу жана кошумча аскер техникаларын туруктуу жайгашкан жерлерине кайтаруу жөнүндө макулдашуулардын аткарылышын текшерүү боюнча чараларды көрүүнү улантууда.
