Быйыл 4600дөн ашык үй-бүлө батир алды. Бул тууралуу президент Садыр Жапаров IV Элдик курултайда билдирди.
Өлкө башчысынын айтымында, бул көрсөткүч акыркы төрт жылдагы жалпы берилген турак жайлардын жарымын түзөт.
“2021-жылдан бери өлкө боюнча 9250 үй-бүлө өз үйлөрүнө ээ болду. “Менин үйүм” мамлекеттик программасы чыныгы элдик долбоорго айланды десек болот. 2025-жылы турак жайлар курулушун каржылоо 40 млрд сомдон ашты. Бул мурунку жылдарга салыштырмалуу бир нече эсеге көп”, — деди Жапаров.
Ошондой эле Садыр Жапаров учурда бардык ацмактарда 70 миңге жакын батирдин курулушу жүрүп жатканын айтты.
“Курулуштун чоң бөлүгү Бишкекте жана Чүй облусунда, ошол эле маалда Ош, Жалал-Абад, Баткен, Талас, Ысык-Көл, Нарын облустары да мамлекет тарабынан татыктуу колдоого алынып, ипотекалык үйлөр салынып жатат”, — деди ал.
