Президент Садыр Жапаров мыкты аталган кыргызстандыктарга мамлекеттик сыйлыктарды тапшырат. Бул тууралуу президенттин басма сөз катчысы Аскат Алагозов билдирди.
«Бүгүн, 28-декабрда, Кыргыз Республикасынын Президенти Садыр Жапаров өзгөчө эмгеги таанылып, ар кыл тармакта эмгектенген кыргызстандыктарга мамлекеттик сыйлыктарды тапшыруу салтанаттуу аземине катышат» — деп айтылат маалыматта.
Иш-чара УТРКнын, 7-каналдын республикалык жана облустук телеканалдардын түз эфиринде жана социалдык тармактардагы баракчаларда көрсөтүлөт. Түз алып баруунун башталышы — саат 11:55.
