Министрлер кабинетинин төрагасы Акылбек Жапаров Бүткүл дүйнөлүк таэквондо федерациясынын президенти Чунг Вон Чону кабыл алды.
Сүйлөшүүнүн жүрүшүндө тараптар дене тарбия жана спорт тармагындагы кызматташууну, ошондой эле спорттук медицинаны өнүктүрүү маселелерин талкуулашты. Жапаров таэквондо жаштарды эрктүүлүккө жана тартипке тарбиялоого, ошондой эле сергек жашоо образын жайылтууга багытталган өлкөдөгү эң популярдуу спорттун түрлөрүнүн бири экенин белгиледи. Өз кезегинде Чунг Вон Чо ага өзүн-өзү коргоо өнөрүнүн бул түрүн жайылтууга багытталган иштер тууралуу айтып берди, өзгөчө социалдык жактан аялуу үй-бүлөлөрдүн балдарын чаралар таэквондого акысыз үйрөтүү боюнча иштерди белгиледи.
Ал ошондой эле Бүткүл дүйнөлүк таэквондо федерациясынын президиуму таэквондо (WTF) боюнча ардактуу тогузунчу данды президент Садыр Жапаровго ыйгарууну чечкендигин, ал жакын арада ага ыйгарыла турганын кошумчалады.
9-дан —чеберчиликтин эң жогорку даражасы. Ал таэквондону жайылтуудагы сиңирген эмгеги үчүн ыйгарылат. Бул наам Казакстан, Россия, АКШ, Индонезия, Гондурас, Испания, Хорватия, Пакистандын президенттерине, ошондой эле БУУнун экс-башкы катчысы Пан Ги Мунга да ыйгарылган.
