Мамлекеттик салык кызматынын райондук башкармалыгынын бөлүм башчысы опузалап пара алып жаткан жеринен кармалды. Бул тууралуу ИИМден билдиришти.
Салык кызматынын Ош облусунун Өзгөн району боюнча башкармалыгынын кызматкери салык текшерүүсүнүн жыйынтыгын бурмалоо жана 700 миң сомдон ашык салык карызын жашыруу үчүн облустун тургунунан акча талап кылган. Салык кызматкери пара катары талап кылган акча 200 миң сомду түзөт.
Чогултулган материалдардын негизинде Кылмыш-жаза кодексинин 343-беренеси (Опузалап пара алуу) боюнча кылмыш иши козголгон.
Аталган сумманы алып жатканда Салык кызматынын Өзгөн району боюнча башкармалыгынын бөлүм башчысы У. К. кармалган. Тинтүү иштеринин жүрүшүндө күрмөнүн чөнтөгүнөн пара катары алынган акчалар табылган.
Кармалган жаран убактылуу кармоочу жайга киргизилип, тергөө иштери жүрүп жатат.
