20:00 добуш берүү тилкелери жабылды. Бул тууралуу БШКнын төрагасы Тынчтыкбек Шайназаров шайлоо өнөктүгүнүн аякташын жарыялоода билдирди.
«Урматтуу Кыргызстандыктар, саат 20:00 болду, Кыргыз Республикасында Жогорку Кеңештин депутаттарын шайлоо аяктады. Биз эртеден бери идентификация аркылуу автоматтык түрдө келип түшкөн жаңылыктарды түз жеткирип жаттык. Азыр шайлоо тилкелери жабылды. Азыр автоматташтырылган эсептөө кызматынан маалыматтар келе баштады. 4 механикалык бузулуу болду, бирок ыкчам иш-аракеттердин аркасында калыбына келтирилди. Эч кандай сбой болгон жок», — дейт ал.



