Белгилүү Боом капчыгайындагы кире бериштеги каттаманы баары эле билишсе керек. Көпчүлүгү сүйүп жеген “Апамдын каттамасы”, “Апамдын чайы”,- деген чакан тамактануучу жайлар бар. Ошол жерде каттама жасаган Лира апаны шейх үй-бүлөсү менен эки жумага Абу-Дабиге алып кетти. Бул тууралуу фут-блогер Адилет Ногойбаев билдирди.
Маалыматка ылайык, Лира айым ал жактагы ашпозчуларга мастер-класс өтүп, каттама жасаганды үйрөтөт.
Кыргызстанга үй-бүлөсү менен келген шейхке каттама жана сүт чай аябай жагып калып, апаны Абу-Дабиге чакырган.
