Шектүү Айзаданы футболка менен муунтуп, өзүн концелярдык бычак менен өлтүргөн. Бул тууралуу ШИИБдин пресс-конференцияга берген маалыматында айтылат.
«Биринчиден кылмыш катталган күндөн тарта Биринчи май РИИБ менен Бишкек ШИИБнен тергөө тобу түзүлдү. Издөө иштерине оператовниктер кошулды. Санкцияларды алуу үчүн 5 тергөөчү иш алып барды. Ошондой эле «Коопсуздук камерасы» боюнча дагы иштеп жатышты. Тергөө ыкчам амалдары баары убагында уюштурулган болчу. Унаа табылганда арткы отургучунан эки жарандын жансыз денеси табылган болчу. Теңизбаевдин (ала качып кеткен бала) жанынан концелярдык бычак табылган. Маркум Айзаданын мойнунда футболка оролуп жаткан. Азыр соттук-медициналык экспертизанын корутундусун күтүп жатабыз. Ал футболка кимге таандык экендиги аныкталып жатат. Ошондой эле унаанын багажында кийимдер табылды», — дейт ШИИБдин кызматкери.
