Кечээ, 21-ноябрда Бишкек шаарындагы Дөлөн Өмүрзаков атындагы стадиондо Кыргызстан менен Омандын футбол курамасы беттешти. Ал 1:0 эсебинде ак шумкарлардын жеңиши менен аяктады. Оман менен болгон оюн тууралуу футбол курама командасынын башкы машыктыруучусу Штефан Тарковичтин пикирин Кыргыз футбол союзу жарыялады.
“Малайзия курамасы менен болгон беттештеги жеңилүүнү эске алсак, бүгүнкү оюн абдан оор болду. Оман курамасы тайпадагы башкы атаандашыбыз. Ошондуктан, оюнчулар менен абдан сыймыктанып жатам, алар жеңишке татыктуу” — деди ал.
