Сирияда эл аралык террористтик уюмдардын катарында диверсиялык жана террористтик даярдыктан өткөн, Баткен облусунун тургуну радикалдуу көз караштардан эл алдында баш тартканын билдирди. Бул тууралуу УКМКнын басма сөз кызматы билдирди.
Тиешелүү иш-чаралардын натыйжасында 1967-жылы туулган К.А.Г. аттуу адам тандап алган диний багытын туура эместигин моюнга алып, КРнын жарандарын Эл аралык террористтик уюмдун/Диний-экстремисттик уюмдун мүчөлөрүнүн мыйзамсыз кайрылууларына алданбоого чакырды.
Учурда УКМК аталган уюмдун ишмердүүлүгүн аныктоо жана бөгөт коюу боюнча иштерди улантууда.
