Сокулукта 6 ай бою 15 жаштагы өспүрүмдү зордуктап жүргөн жаран кармалды. Бул тууралуу Чүй ОИИБнин басма сөз кызматы билдирди.

Маалыматка ылайык, бул боюнча Новопавловка айылынын 37 жаштагы тургуну 13-декабрда маалымат берип, 6 айдан бери 14 жаштагы жашы жете элек кызын 26 жаштагы С.К. аттуу жаран зордуктап келгенин билдирген. Бул факты кылмыштардын бирдиктүү реестрине 157-берене (Он алты жашка жетелек адам менен сексуалдык мүнөздөгү аракеттер) боюнча катталып, сотко чейинки өндүрүш иштери башталаган.

Териштирүүдө жабырлануучу 2006-жылы туулган Б.А. мыйзамдуу өкүлү жана социалдык кызматкерлердин катышуусунда суралып, ал жогорудагы бала менен «Инстаграм» социалдык түйүнү аркылуу таанышып, алар 6 ай сүйлөшүп жүрүшкөнүн айтып, ошол учурда жыныстык катнашта болушканын айткан. Кийин ал бала башка кызга үйлөнүп алганда, болгон окуя тууралуу апасына билдиргени маалым болгон.

«Натыйжада 1995-жылы туулган С.К. кармалып, зарыл болгон экспертизалар дайындалды. Кармалган жаран убактылуу кармоочу жайга камакка алынды. Сотко чейинки өндүрүш иштери улантылууда. Ал жогорудагы кыз менен социалдык түйүндөрдүн биринен таанышып, сүйлөшүп калышканын айтып, алардын ортосунда өз эрки менен жыныстык катнаш болгонун билдирди», — деп берилет маалыматта.