Сокулук районунда үй-бүлөдө чыккан чырдын айынан 24 жаштагы келин катуу ур-токмоктон каза болду. Бул тууралуу Чүй ОИИбнын басма сөз кызматы билдирди.
Маалыматка ылайык, ушул жылдын 11-декабрында Сокулук РИИБнүн нөөмөт бөлүмүнө Сокулук районунун аймактык ооруканасынан 1998-жылы туулган С.К. аттуу жаран каза болгондугу тууралуу маалымат келип түшкөн.
Текшерүү учурунда, Ново-Павловка айылынын тургуну 1998-жылы туулган С.К. аттуу жаран Сокулук районунун аймактык ооруканасынын травматология бөлүмүнө ар-кандай дене жаракаттары менен келип түшүп, көрсөтүлгөн жардамга карабастан, каза болгон.
Аталган факт Сокулук РИИБнин каттоого алынып, Кыргыз Республикасынын КЖКнин 130-беренесинде көрсөтүлгөн (ден соолукка оор залал келтирүү) кылмыштын белгилери менен кылмыш иши козголгон.
Аткарылган ыкчам иш аракеттеринин натыйжасында, аталган кылмыш ишине шектүү катарында 1998-жылы туулган С.К. жарандык жолдошу 1992-жылы туулган В.А. аттуу жаран аныкталып, Кыргыз Республикасынын КЖПКнин 96-беренесинин талаптарына ылайык, убактылуу кармоочу жайына киргизилди.
Учурда тергөө амалдары улантылууда.
