Сокулуктагы бала бакчада беш жаштагы кыз чарчап калган. Бул туралуу 7-каналга Чүй ОИИБден билдирди.
22-октябрь саат 17:23тө милицияга райондук ооруканадан беш жаштагы кыздын сөөгү жеткирилгендиги боюнча маалымат түшкөн.
«Кыз «Алтын Балалык» бакчасында болгон. Болжол менен 13:00дө ал үшүгөнүн айтып, тарбиячы аны кийимчен жаткырган. Болжол менен 15:30да тарбиячы кызды ойготууга аракет кылганда анын эс-учун жоготконун байкаган. Тез жардам чакырылып, тилекке каршы, медиктер кыздын чарчап калганын тастыкташкан», — деп жазылган маалыматта.
Тиешелүү экспертизалар дайындалып, «шалаакылык» беренеси боюнча кылмыш иши козголгон.
Бул окуя кыздын энесинин соцтармактарда жасаган кайрылуусунан кийин коомчулукка белгилүү болууда.
