Ысык-Көл райондук сотунда кылмыш иштеринин жоголуу фактысы боюнча текшерүү иштери жүргүзүлүүдө. Бул тууралуу УКМКдан билдиришти.
Жалпысынан 150гө жакын кылмыш катталып, жарандык иштердин жоголушуна алып келген Ысык-Көл райондук сотунун жооптуу кызматкерлерине карата кызматтык милдеттерине шалаакылык мамиле кылуу фактысы боюнча тергөөгө чейинки текшерүү иштери жүргүзүлдү.
Жогорудагы аракеттердин максаты айрым резонанстуу кылмыш иштерди жана мүлктүк мүнөздөгү иштер боюнча мыйзамсыз кабыл алынган сот чечимдерин жашыруу жана материалдык пайда алуу болгон.
Учурда кылмышкерлерди аныктоо жана жоголгон кылмыш иштерди издөө боюнча зарыл болгон ыкчам-иликтөө иш-чаралары жүргүзүлүүдө.
