Бишкекте өспүрүмдүн телефонун коркутуу жолу менен тартып алган шектүүлөр кармалды. Бул тууралуу Ленин РИИБдин басма сөз кызматы билдирди.
Маалыматка ылайык, 27-сентябрда милицияга арыз менен К.А. аттуу жаран кайрылган. Анда ошол күнү Кулиев жана Пушкин көчөлөрүнүн кесилишинде белгисиз адамдар баласынын 13 000 сомдук «Redmi note 8» маркасындагы уюлдук телефонун ачык эле тартып алып, андан кийин белгисиз тарапка изин жашырып кетишкен.
Аталган факты боюнча Кылмыш-жаза кодексинин 206-беренесинин (каракчылык) негизинде кылмыш иши козголгон.
Жүргүзүлгөн ыкчам иштердин натыйжасында 8-октябрь күнү кылмышка шектүү Б.К. 2002-жылы туулган Ю.Н. 2003-жылы туулган шектүүлөр тергөө кызматына жеткирилип, убактылуу кармоочу жайына киргизилди.
Бишкек шаарынын Ленин райондук соту шектүүлөргө карата Бишкек шаарындагы СИЗО-1ге камакка алуу түрүндөгү баш коргоо чарасын бир айга камакка алуу чечимин кабыл алды.
