Жалал-Абад облусунун Сузак районунда ушул эле жылдын 18-ноябрында жоголгон 9 жаштагы Сумаяны өлтүрүүгө шектелип, 22-декабрь күнү Сузак районунун 1973-жылы туулган У.А. аттуу жараны кармалган. Бирок шектүү психологиялык жактан жабыркайт деген таризде кечээ бошотулган.
Сузак РИИБдин КМКнын кызматкерлеринин маалыматына ылайык, тергөө учурунда шектүү ал иш боюнча күнөөсүн мойнуна алып иштин жагдайын көрсөтүп берген.
Ошондой эле, ал Жалал-Абад областтык ооруканасынын психоневрология бөлүмүндө жин оорусу менен стационардык тартипте дарылангандыгы аныкталды.
«КР ЖПКнын 186-берененин негизинде У.А. аттуу жаранга карата 23.12.2021-жылы соттук-психиатриялык экспертиза дайындалып, өткөрүү жагы Таш-Көмүр шаарына караштуу Кызыл-Жар-12 шаарчасында жайгашкан Республикалык психиатриялык ооруканасынын эксперттерине тапшырылды», — деп берилет маалыматта.
