Москва районунда суу бөлүштүрүүчү темир тосмолорду уурдоого шектүүлөр кармалды. Бул тууралуу Чүй облустук ички иштер башкы башкармалыгынын басма сөз кызматы билдирди.
Маалыматка ылайык, үстүбүздөгү жылдын 14-январынан тартып Беловодск жана Ак-Суу айылдарынын аймагындагы каналдардын суу бөлүштүрүүчү темир тосмолорун белгисиз бирөөлөр уурдап жатышкандыгы тууралуу 8 факты боюнча Москва РИИБнө арыздар келип түшөн. Ал кылмыштардын бирдиктүү реестрине Кыргыз Республикасынын Кылмыш-жаза кодексинин 205-беренеси (Уурдоо) боюнча катталып, сотко чейинки өндүрүш иштери башталган.
Чүй облусунун ИИББнын жана Москва РИИБдүн кылмыш иликтөө кызматкерери тарабынан “Уурулук” аталашындагы рейд иш-чарасы учурунда жогорудагы кылмышка шектелишип, 1999-жылы туулган К.С., С.А. жана 2001-жылы туулган К.Д. аттуулар кармалышып, убактылуу кармоочу жайга камакка алынган.
Учурда сотко чейинки өндүрүш иштери улантылууда.
