Төрага Нурланбек Шакиевге “Ишеналы Арабаев атындагы Кыргыз мамлекеттик университетинин Ардактуу профессору” наамы ыйгарылды. Бул тууралуу парламенттин басма сөз кызматы билдирди.
Маалыматка караганда, бүгүн, 22-декабрда Жогорку Кеңештин төрагасы Нурланбек Шакиев алгачкы агартуучу-илимпоз Ишеналы Арабаевдин 140 жылдык маарекесине арналган “Билим берүүдөгү интеграция маселелери жана мамилелер: Ишеналы Арабаевдин агартуучулук жана коомдук-саясий ишмердигинин улантылышы, заманбаптуулугу” аталышындагы конференцияга катышты. Конференциянын алкагында Шакиевге «Ардактуу профессор” наамы ыйгарылды.
