Кыргызстандын 8 жараны Түркиянын Адана, Кахраманмараш жана Османийе шаарларынан коопсуз жайга эвакуацияланды.
Тышкы иштер министрлигинен билдиришкендей, Малатья шаарында Кыргызстандын тогуз жаранына жардам көрсөтүлүүдө, алардын ичинде эки бала жана кош бойлуу аял бар.
“Убактылуу жайларга жайгаштырылган кыргыз жарандары жылуу кийимдер, жууркан-төшөктөр, суу жана тамак-аш менен камсыздалды. Кырсык болгон аймактагы иштер коммуникация, интернет жана электр жарыгындагы техникалык көйгөйлөрдөн улам татаалдашууда”, — деп билдиришти.
Белгилей кетсек, жабыркаган Кыргызстандын жана Түркиянын жарандары үчүн гуманитардык жардамдарды кабыл алуу пункттары Анкара жана Стамбул шаарларында да ачылды.
