Мамлекеттик каттоо кызматына караштуу Калкты жана жарандык абалдын актыларын каттоо департаментинин мурунку башчысы кармалды. Бул тууралуу бүгүн, 11-июлда Бишкек ШИИБдин басма сөз кызматы билдирди.
Тергөө учурунда кызмат абалынан кыянаттык менен пайдаланып, Кыргыз Республикасынын жарандыгын Турция жарандарына берүү боюнча түзүлгөн коррупциялык схема аныкталган. Жазык-процесстик кодексинин 98 жана 99-беренелерине ылайык, Калкты каттоо жана жарандык абалдын актыларын каттоо департаментинин мурдагы төрагасы С.Д. кармалып, Бишкек ш.ИИББнын убактылуу кармоочу жайына киргизилген.
Учурда жасалган кылмышка тиешеси бар адамдардын бардыгын аныктоого багытталган тергөө иштери жана ыкчам-издөө иш-чаралары улантылууда.
Дүйшөн Сатыбалдиев 2013-жылдын июнунда Мамлекеттик каттоо кызматына караштуу Калкты жана жарандык абалдын актыларын каттоо департаментинин директору болгон. Бул кызматтан 2015-жыл бошотулган.
