Казакстандын Талдыкоргон шаарындагы Эмгек айылында бир үй-бүлө мештен чыккан иске ууланып каза болду. Бул тууралуу казак басылмалары жазып чыкты.
Маалыматка ылайык, үйдөн төрт адамдын жансыз денеси табылган. Алар 1998-жылы туулган аялы жана күйөөсү жана алардын төрт жана бир жашар эки баласы болгон. Алдын ала маалыматтар боюнча алар 2-3 күн мурда көз жумган. Жаш үй-бүлө аталган жайда ижара төлөп батирде жашаган.
Учурда соттук-медициналык экспертиза дайындалып, тиешелүү иштер жасалып жаткандыгы боюнча кабарланды.
