Талас облусундагы бардык мектеп жана бала бакчалар 10 күнгө карантинге жабылды. Бул тууралуу президенттин Талас облусундагы өкүлчүлүгүнөн кабарлашты.
Маалыматка ылайык, кечээ, 13-декабрда саламаттык сактоо тармагын башкаруу боюнча облустук Координациялык кеңештин жыйыны болуп, эпидемиологиялык абал талкууланды. Жыйындын жыйынтыгында инфекциялык оорулардын жайылып кетишин алдын алуу жана бөгөт коюу максатында 14-декабрдан 24-декабрга чейин облустагы бала бакчаларды жана мектептерди карантинге жабуу боюнча чечим кабыл алынган.
