Камчыбек Ташиев үйгө муктаж болгон Гүлжан Абдыразак кызына үй куруп берди. Бул тууралуу Өткүрбек Рахманов билдирди.
«Сузак районунун Барпы айылынын тургуну Гүлжан Абдыразак кызы, 1997-жылдан бери бөйрөк оорусунан жабыркап келет. Жакындарынын болгон мүмкүнчүлүгү менен бир топ медициналык мекемелерде дарыланган. Өзүнүн жеке турак-жайы жок болгондуктан, бир туугандарынын үйүндө жашап жүргөн.
Үйгө болгон муктаждыктан улам Камчыбек Ташиевге жардам сурап кайрылган. Кайрылган күндөн 2 ай өтпөй туруп, Гүлжан Абдыразак кызына Камчыбек Кыдыршаевич тарабынан жаңы турак-жайы курулуп бүттү.
Бүгүн, 2022-жылдын 6-мартында Барпы айылынын аксакалдарынын катышуусунда, Камчыбек Ташиев жашоо үчүн бардык шарттары бар жаңы үйдүн ачкычын Гүлжан Абдыразак кызына тапшырды»,- деп айтылат маалыматта.
