Министрлер кабинетинин төрагасынын орун басары –УКМК төрагасынын атын жамынып, ири суммадагы акчаны ээлеп алган алдамчы кармалды. Бул тууралуу аталган кызматтан билдирди.
Б.у.Т. аттуу кыргыз жараны УКМК төрагасы менен байланышы бар экенин шылтоо кылып, Д.А.А.нын ишенимине кирип, ар кандай иштер үчүн системалуу түрдө каражат алган. 2024-жылдан 2025-жылга чейин ал ири суммадагы акчаларды ээлеп алган.
Тиешелүү иш-чаралардын жүрүшүндө Б.у.Т. жабырлануучуларга телефон аркылуу Камчыбек Ташиевдин сүрөтү чегерилген килем-портретин көрсөткөнү, ал аны төрагага белек катары алганын айткан. Бирок аталган килем-портретте УКМК төрагасынын үч эмес, төрт генералдык жылдызы тартылганы менен айырмаланган.
Бул факт боюнча «алдамчылык» беренеси менен кылмыш ишин козгоп, аталган жаран камакка алынган.
Посмотреть эту публикацию в Instagram
