«Тазалык» муниципалдык ишканасынын кызматкерлери шаарды көрктөндүрүү жана санитардык тазалоо иштерин баштады. Бул тууралуу мэриянын басма сөз кызматы билдирет.
Маалыматка ылайык, учурда ак үйдүн айланасында, Чүй проспектисинин түндүк тарабындагы Логвиненко көчөсүнөн Панфилов көчөсүнө чейин таман таштарды жаңылоо иштери жүрүп жатат. Жакында Т.Турсунбаева, Достук скверлеринде, Өкмөт үйүнүн жана Ленин эстелигинин айланасында, Өкмөттүк скверде жана Ала-Тоо аянтында таман таштарды алмаштыруу пландаштырылууда.
