Бишкек шаарындагы милиция кызматкерлери эл аралык издөөдө жүргөн Тажикстандын жаранын кармашты. Бул тууралуу Биринчи Май РИИБден билдиришти.
Маалыматка караганда, ал «Издөө» иш-чарасынын алкагында кармалган. Кармалган жаран өз өлкөсүндө адам өлтүрүү, терроризм, баңгизат, курал-жарак, жардыруучу заттарды сактоого шектелип жаткан.
Ал Тажикстанда тыюу салынган «Тажикстандын Ислам кайра жаралуу партиясынын» мүчөсү болгон. Шектүү Бишкек ШИИБдин убактылуу кармоочу жайына киргизилди. Тергөө уланып жатат.
