Тогуз-Торо районунун Казарман айылында Бакыт үйүндө өрт чыкты. Бул тууралуу бүгүн, 22-февралда ӨКМден кабарлашты.
Маалыматка караганда, кырсык айылдын Жээналиев көчөсүндө болгон. Анын кесепетинен Бакыт үйүнүн 1 бөлмөсүнүн 4 чарчы метр жыгач полу, стол жана кондиционер күйүп кетти. Өрт тиричилик электр шаймандарын колдонууда коопсуздук эрежелеринин бузулушунан улам чыккан.
Таш-Көмүр шаарындагы мончонун 6 чарчы метр жыгач шыбы өрттөндү. Өрт жылытуучу меш менен мордун туура эмес түзүлүшүнөн улам чыккан.
Булак: Turmush.kg
