Тогуз-Торо районунда бензин ташыган КамАз өрттөнүп, эки адам жабыркады. Бул тууралуу ӨКМнин басма сөз кызматы билдирди.
Маалыматка ылайык, окуя Жалал-Абад облусунун Тогуз-Торо районундагы Каргалык айыл аймагынын Дөбөкулов көчөсүндө болгон.
«Бензин ташып бара жаткан КамАзды ширетүү учурунда, автоцистерна жарылып кеткен. Күйүүчү май куюлган цистерна бош болгон. Кырсыктын кесепетинен 2 эркек киши жабыркап, 1988-жылы туулган жаран аймактык оорукананын хирургия бөлүмүнө, 1987-жылы туулган жабырлануучу жандандыруу бөлүмүнө жеткирилди.
