Жалал-Абад ШИИБдин начальниги Алмазбек Кубатбеков Курманбек аймактык башкармалыгынын жашоочулары менен жолугушту. Жолугушууда жарлыктын аткарылышына кайдыгер карабастан, ыксыз чыгымдарды азайтуу керектиги белгиленди. Бул тууралуу Жалал-Абад ОИИБдин басма сөз кызматы билдирди.
Ал эми Тогуз-Торо РИИБдин начальниги Талантбек Сабырканов баштаган топ Дөдөмөл жана Кош-Булак айылдарына барышып, жарлыктын негизинде түшүндүрүү иштерин жүргүзүштү. Анда бири-бирине атаандашпай, элибиз биримдикте болуп, кереги жок адаттардан арылуу зарылдыгы айтылды.
Ошондой эле Жалал-Абад облусунда жүргүзүлүп жаткан түшүндүрүү иштерин жергиликтүү тургундар колдоп жатканыдыгы айтылат.
Белгилей кетсек, президент Садыр Жапаров «Кыргыз Республикасында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралар жөнүндө» жарлыкка кол койгон.
