Токмокто милиция кызматкерлери тарабынан 28 жаштагы Анастасия Сытина менен анын 6 жаштагы уулу Евгений Дьяко изделип жатат. Бул тууралуу Чүй ОИИБден билдиришти.
19-мартта милицияга келиндин күйөөсү кайрылып, 11-мартта болжол менен саат 14:00дө жубайы менен уулу Токмоктогу үйүнөн чыккан бойдон кайтып барышпаганын билдирген.
Анастасиянын бою 170 см, чачы күрөң түстө. Кара куртка, кызыл баш кийим кийип кеткен. Евгенийдин бою 110 см, чачы күрөң, кара спорттук шым, кара-көк түстөгү кышкы куртка кийген.
Сүрөттөгү эне-баланы көргөндөр болсо, (0312) 43-01-27, (0312) 43-88-85, (0312) 60-73-63, 0501 900 065 номурларына кайрылса болот.
