2025-жылдын 4-ноябрында Токтогул районунда жалпы салмагы 19 килограмм 650 грамм марихуана баңгизаты менен эки жаран кармалды. Бул тууралуу Жалал-Абад ОИИБнын басма сөз кызматы билдирди.
Маалыматка ылайык, ошол эле күнү Токтогул РИИБдин тергөө кызматы тарабынан, кылмыштардын бирдиктүү реестирне 283-берене менен катталып, кылмыш иши козголгон.
“Кылмышка шектүү катары Бишкек шаарынын 1991-жылы туулган А.Б., Н.С. аттуу тургундары кармалып, алардын жанынан 4 даана капка салынган баңгизат каражаты далил катары алынган. Соттук-химиялык экспертизанын корутундусунун жыйынтыгы менен А.Б., Н.С. аттуу жарандар Токтогул райондук соту тарабынан эки айга камакка алынды”, — деп жазылат маалыматта.
