Украинанын депутаттары АКШнын президенти Дональд Трамптын дүйнөлүк Нобель сыйлыгына талапкерлигин колдоо сунушун четке какты. Бул тууралуу “Страна” басылмасы жазып чыкты.
Маалыматка ылайык, 450 депутаттын 132си гана «макул» деп добуш берген.
«Украинанын Жогорку Кеңеши Трампты “Нобель” сыйлыгына көрсөтүү үчүн колдоочулар жетишсиз», — деп айтылат билдирүүдө.
10-октябрда Нобель комитети Дональд Трамп алгысы келген дүйнөлүк сыйлыктын ээсин жарыялайт. Ал буга чейин бул сыйлыкты алууну каалаганы тууралуу бир нече жолу айткан, анткени ал өзүн ийгиликтүү тынчтык орнотуучу катары эсептеп келет.
