Голливуд актёру жана музыкант Уилл Смит алып баруучу Крис Роктон эл алдында кечирим сурады. Ал ачуусу келгенин айтып, туура эмес кылганын мойнуна алган.
Посмотреть эту публикацию в Instagram
Уилл Смит 94-«Оскар» сыйлыгын тапшыруу аземинде сахнага чыгып, алып баруучу Крис Роктун бетине муштап жиберген. Крис Рок «Мыкты даректүү тасма» сыйлыгына талапкерлерди жарыялап жатып, Уилл Смиттин жубайы Жада Пинкетт-Смиттин кыска чачы тууралуу тамашалоону чечкен. «Жайда сени жакшы көрөм, сени «Солдат Жейн 2» тасмасында көрүүнү чыдамсыздык менен күтөм», — деди алып баруучу актрисаны Деми Мурдун «Солдат Джейн» деген тасмадагы образына салыштырып. Ал тасмада башкы ролдогу кыздын чачы кыска алынган болчу. Пинкетт-Смит аутоиммундук оору менен жабыркайт. Ал чачтын түшүшү менен коштолгон оору. Жада муну жашырып, бирок жакында эле ал бул сырын ачыктаган эле. Бул сөздөрдөн кийин Уилл Смит сахнага чыгып, Рокту бетке чапкан. Актёр кайра ордуна отургандан кийин Рокту «аялыма тийишпе» деп кыйкырган.
